पोखरा ,१४ चैत । भुलभला मेलाको अवसर पारी पोखरा महानगरपालिका वडा न ३३मा प्रथम वडा अध्यक्ष कप प्रतियोगिता २०७९ हुने भएको छ ।
भुलभुला युवा क्लब पोखरा ३३ को आयोजना तथा पोखरा महानगरपालिका वडा न ३३ को आर्थिक ब्यस्थापनमा संचालन गरिन लागेको प्रतियोगिता यहि चैत्र २६ गतेदेखि वैशाख १ गते सम्म पोखरा ३३ उपल्लो पुडी खेल मैदानमा सुरु हुनेछ ।
स्थानिय स्तरमा खेलकुदको पहुच अभिवृद्धि गर्ने र ब्यवसायिक फुटबल खेल को बिकासमा थप टेवा पुर्याउने उदेश्यका साथ आयोजना गरिएको प्रतियोगितामा २ दर्जन बढी टिमको सहभागिता रहने अपेक्षा गरेको प्रतियोगिता का सयोजक आसिक कुंवर जानकारी दिएका छन् ।
प्रतियोगिताको उपाधी चुम्ने टिमले नगद ४०हजार पुरस्कार, कप, मेडल, प्रमाणपत्र हात पार्नेछ । त्यस्तै उपविजेताले नगद २५ हजार मेडल, प्रमाणपत्र हात पार्ने सयोजक कुंवर बताए । त्यस्तै प्रतियोगिता अवधीभर उत्कृष्ट खेल प्रर्दशन गर्ने ब्यक्तीगत बिधा तर्फका खेलाडी लाई पुरस्कृत गरिने क्लबका सचिब शिव अधिकारीले जानकारी दिए ।
वैशाख १ गते सम्म चल्ने प्रतियोगिताका खेलहरु नकाउटका आधारमा खेलाईने छ। यसैविच प्रतियोगिताको तयारीलाई तिव्र पारेको आयोजकले टिम दर्ता गरि प्रतियोगितामा सहभागिता का लागि ईच्छुक सबैलाई चैत्र २६ गते सम्ममा टिम दर्ता गर्न आग्रह गरेको छ ।