फेवाखबर संवाददाता
मच्छिन्द्र एफसी केपी ओली कप च्याम्पियनसिप फुटबलको सेमिफाइनलमा प्रवेश गरेको छ । मंगलबार भएको अन्तिम क्वाटरफाइनलमा भुटानको एफसी ट्रान्सपोर्ट युनाइटेडलाई पराजित गर्दै मच्छिन्द्र सेमिफाइनलमा पुगेको हो ।
सादोबाटोस्थित एन्फा कम्प्लेक्समा भएको खेलमा मच्छिन्द्रले ट्रान्सपोर्ट युनाइटेडलाई १–० ले हरायो । मछिन्द्रको जितमा स्टेफेन जमाहा जालिले निर्णायक गोल गरे। उनले खेलको ८०औं मिनेटमा सनिस श्रेष्ठको क्रसमा गोल गरेका थिए ।
मच्छिन्द्रले अब फाइनल प्रवेशका लागि आयोजकको टोली केपी एफसीसँग प्रतिष्पर्धा गर्नेछ। यसअघि आजै भएको अर्को खेलमा एपीएफलाई पराजित गर्दै संकटा क्लबले सेमिफाइनलमा स्थान बनाइसकेको छ ।
राष्ट्रिय युवा संघ नेपालको आयोजनामा जारी प्रतियोगितामा ९ टोलीले सहभागिता जनाएका छन् ।
