पोखरा
पोखरा महानगरपालिका वडा नम्बर १५ मा रहेको हरियो खर्क अस्पतालको लापरवाहीले घुडाको थेरापी गर्न आएका बिरामीको थेरापीको क्रममा खुट्टा भाँचिएको छ । अस्पतालले लापरवाही गर्दा बायाँ घुडाको थेरापी गर्न आएका शुक्लागण्डकी नगरपालिका वडा नम्बर ८ तनहुँका हरि वानियाको थेरापीकै क्रममा बायाँ खुट्टा भाँचिएको हो ।
बानिया ६ दिनदेखि सोही अस्पतालमा थेरापी गराउँदै आएका थिए । घुडाको थेरापी गर्न आएका बानियाको देव्रे खुट्टा भाचिएको छ । हरिको भाईले अस्पतालको लापरवाहीका कारण दाईको खुट्टा भाचिएको दाबी गरे ।
‘घुडाको थेरापी गर्न लिएका थियौं । दाई ५/६ दिनदेखि यहि अस्पताल थेरापी गर्दै हुनुहुन्थ्यो । हिजो (बुधबार) थेरापी गर्ने क्रममा बायाँ खुट्टाको साप्रो भाचिएको छ । अस्पतालको लापरवाहीको कारण दाईको खुट्टा भाचिएको हो,’ उनले भने ।
मेडिकल सुपरिटेन्डेन्ट डा सुमन तामाङले कसैले इनसेन्सनले खुट्टा नभाँचिएको जिकीर गरे । उनले भने, ‘थेपारी सेसन गर्ने बेलामा खुट्टा भाँचिन पुगेको स्वीकार गर्छौं । गल्ती हो होइन भन्ने कुरा अथवा के कारणले भाँचियो भन्ने अर्काे कुरा हो । कसैले इनसेन्सनले भाँचिएको होइन ।’
अस्पतालका प्रशासक हरि घिमिरेले अस्पतालबाट कुनै गल्ती नभएको दाबी गरे । ‘अस्पतालको लापरवाही पनि देख्दिन । मेडिकल त मलाई थाहा हुँदैन । घटनाको अझै अध्ययन गरौंला । नहुनुपर्ने घटना घट्यो त्यो दुखद हो । हाम्रो थेपारी गर्ने साथीहरु एकदमै एक्पोर्ट हुनुहुन्छ । बरु बिरामीको घरिघरि भाँचिएको हुनाले त्यतातिर पनि हेर्नुपर्छ की,’ उनले भने ।
पूरा भिडियो हेर्नका लागि तलको लिंकमा क्लिक गर्नुहोस् ।
