पोखरा । पोखरा ११ मा रहेको मनिपाल शिक्षण अस्पतालमा स्याङ्जाका निलकन्ठ चापागाईको जटिल अप्रेसन सम्पन्न भएको छ । घरमा काम गर्ने क्रममा गत ८ गते उनको बायाँ साँप्रा बाट ढाड सम्म रड उनीएको थियो । डा बिनोद श्रेष्ठको टोलीले अस्पतालमा पहिलोपटक साप्रा देखी ढाड सम्मको अप्रेशन गरेको जानकारी दिए । ‘यस भन्दा अघि यति जटिल अप्रेशन पोखरामा सम्भव थिएन । हामीले पहिलोपटक ४ घण्टा लगाएर उक्त अप्रेशन सफल बनाएका छौं ,‘ डा बिनोद श्रेष्ठले भने, बिरामीको अवस्था अहिले समान्य रहेको छ ।’ डाक्टर बाल गोपाल कर्मचार्य, डाक्टर राजन बस्नेत लगायतको टिमले अप्रेशसमा रहेका थिए । स्वास्थ्य क्षेत्रमा गरिएको लगानीबाट अपेक्षित प्रतिफल पाउन नसकिने चर्चाको बिचमा पनि पोखराको मणिपाल हस्पिटलमा पछिल्लो समय लगानी सहित विभिन्न बिशेषज्ञ सेवा थप गर्ने कार्य भैरहेको छ । अस्पतालको पहिलेको संरचनामा सुधार गर्ने र केहि संरचना थप गर्ने कामका अतिरिक्त महँगो मूल्यका नयाँ उपकरण र प्रबिधि थप गरेर मणिपाल हस्पिटललाई देशकै राम्रो हास्पिटल अनि अन्तराष्ट्रीयस्तरको सुबिधासम्पन्न हस्पिटलको रुपमा बिकास गर्ने प्रयास भैरहेको छ।