फेवाखबर संवाददाता
पोखरा। पोखरामा मोटरसाइकल चोरी गरेको आरोपमा मंगलबार एकजना पक्राउ परेका छन् । वडा प्रहरी कार्यालय रामबजार पोखराका प्रहरी प्रमुख बिनाेद श्रेष्ठले जानकारी दिए अनुसार पक्राउ पर्नेमा पोखरा १३ पाटनबेसी ढल्केपुल बस्ने वर्ष ३३ का अंकेश सुनार रहेका छन् ।
उनले पोखरा १३ पाटनबेसी उज्वलटोल बस्ने वर्ष ३८ को बखत बहादुर विकले घर अगाडि पार्किङ गरि राखेको ग ९ प २७४३ को मोटरसाईकल चोरी गरेको प्रहरीको आरोप छ ।
मोटरसाईकल चोरी भएको खबर पाउनासाथ सि.आर.भी. भद्रकाली कास्कीबाट खटिएको प्रहरी टोलीको सक्रियतामा मोटरसाईकल सहित सुनारलाई पक्राउ गरेको प्रहरीको भनाई छ । घटनाको थप अनुसन्धान भइरहेको रामबजार प्रहरी प्रमुख बिनाेद श्रेष्ठले जानकारी दिए ।
