पोखरा , १८ माघ ।
नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय गगनगौडा, कास्कीले
गण्डकी प्रदेश भित्रको ट्राफिक व्यवस्थापन एवम् सवारी दूर्घटना न्यूनीकरणका लागि भएका काम कारवाहीहरू वार्षिक कार्य प्रगति विवरण प्रकाशन गरेको छ ।
कार्यालयले विभिन्न तीन शीर्षक छुटाएर वि.सं. २०७७ माघ १ गतेदेखि आफ्नो कार्यक्रम सञ्चालन गरेको थियो । २०७७ माघ १ गतेदेखि २०७९ पौष मसान्तसम्म विभिन्न तीन शीर्षकमा राजमार्ग सुरक्षा तथा ट्राफिक व्यवस्थापन कार्यालयले कार्यक्रम सञ्चालन गरेको थियो ।जसमध्ये २०७७ माघ १ देखि २०८८ पौष मसान्तसम्म जनचेतनामूलक कार्यक्रम सङ्ख्या ५ हजार ३८ मा सहभागी सङ्ख्या ४ लाख ७६ हजार ८ सय ५४ रहेको थियो ।
२०७८ माघदेखि २०७९ पौष मसान्तसम्म कार्यक्रम सङ्ख्या ६ हजार २ सय ६२ मा सहभागी सङ्ख्या ९६ हजार १ सय ४६ रहेको छ । गत वर्षको भन्दा यस वर्ष २ सय ४५ कार्यक्रम सङ्ख्या र १ हजार १५ सहभागी सङ्ख्यामा वृद्धि भएको छ । राजश्व सङ्कलन शीर्षकमा २०७७ माघदेखि २०७८ पौष मसान्तसम्म कारवाही सङ्ख्या १ लाख ३३ हजार ८ सय ६४ मा कूल राजश्व ८ करोड ८७ लाखा २ हजार सङ्कलन भएको थियो । २०७८ माघदेखि २०७९ पौष मसान्तसम्म कारवाही सङ्ख्या २ लाख २५ हजार ५ सय ६३ मा कूल राजश्व सङ्कलन रकम रु १६ करोड ४३ लाख ५३ हजार भएको छ । गत वर्षको भन्दा कारावाही सङ्ख्या ६ सय ९५ र राजश्व सङ्कलन ८ सय ५५ वृद्धि भएको छ ।
२०७७ माघदेखि २०७८ पौष मसान्तसम्म सवारी दूर्घटना सङ्ख्या ४ सय १५ मा २ सय ५१ जना मानिसको मृत्यु भएको थियो । गम्भीर घाइते सङ्ख्या २ सय ७४ सामान्य घाइते सङ्ख्या २ सय ७० कूल संलग्न सवारी सङ्ख्या ५ सय ५४ रहेको थियो । २०७८ माघदेखि २०७९ पौषसम्म दूर्घटना ४ सय २ र २ सय १३ जना मानिसको मृत्यु , गम्भीर घाइते सङ्ख्या ३ सय ८१ सामान्य घाइते सङ्ख्या २ सय ४५ र संलग्न सवारी साधन सङ्ख्या ५ सय १४ वटा रहेका छन् ।
जस मध्य गम्भीर घाइते सङ्ख्या ३ सय ९५ वृद्धि भएको छ भने बाँकी सबै घटेको अव्यस्था रहेको छ । २०७८ माघ ३ गते ट्राफिक प्रहरी नायब निरीक्षक गोविन्द अधिकारी सरुवा भएर आएदेखि सवारी जनचेतनामुलक कार्यक्रममा थप जोड दिएका हुनाले सवारी दूर्घटना सङ्ख्यामा कमी आएको छ । कार्यालयले विभिन्न विषय समेटिने गरी कार्यक्रम सञ्चालन गरेको थियो ।
रोड सेफ्टी टिप्स, रोड सेफ्टी कर्नर नमस्ते अभियान, चालकसँग एक मिनेट कार्यक्रम, विद्यालय सचेतना कार्यक्रम, यात्रु सहायता कक्ष स्थापना र प्रशिक्षण, अन्तरक्रिया कार्यक्रम,
वातावरण मैत्री ट्राफिक व्यवस्थापन अनावश्यक लाईट, झल्लर, स्लोगनह्रू, प्रेसर हर्न हटाउने अभियान हुस्सु लागेको र रातको समयमा टल्कने स्टिकर टाँस्ने अभियान, ट्राफिक नियम उल्ङ्घन गर्ने सवारी साधनहरूलाई नियन्त्रण कडाईका साथ कारवाही गर्ने अभियान, ट्राफिक प्रहरीले प्रयोग गने २४ घण्टे पुँजी एकरूपता कायम गरी अधिकतम ५ हजार जरिवाना गर्ने व्यवस्था आदि विषयमा कार्यक्रम सञ्चालन भएको प्रवक्ता तथा सूचना अधिकारी प्रहरी नायव उपरीक्षक ईन्द्रप्रसाद सुवेदीले जानकारी दिएका छन् ।
