नेपाल (एमाले) को ‘मिसन ग्रासरुट’ अन्तर्गत गण्डकी प्रदेश कमिटीको आयोजनामा पोखरामा पार्टी सुदृढीकरण विस्तार अभिमुखीकरण कार्यक्रम भएको छ ।पोखरामा शुक्रबार भएको अभिमुखीकणमा एमाले नेताहरुले यो अभियानबाट संसदको दोस्रो ठूलो दल एमालेले नयाँ गति लिने विश्वास व्यक्त गरे ।
एमालेले शुक्रबारदेखि ‘मिसन ग्रासरुट’ अभियान सुरु गरेको हो । जसको एमाले अध्यक्ष एवं पूर्व प्रधानमन्त्री केपी शर्मा ओलीले उद्घाटन गरेका हुन् ।गण्डकी प्रदेशकेा अभिमुखीकरणमा पार्टी उपाध्यक्ष युवराज ज्ञवालीकेा प्रमुख अतिथि रहेकेा थियेा । पार्टीका उपमहासचिव एवं प्रचार तथा प्रसारण विभाग प्रमुख पृथ्वीसुव्वा गुरुङ, पार्टीका स्थाई समिति सदस्य एवं संगठन विभाग प्रमुख एवं गण्डकी प्रदेशका मुख्यमन्त्री खगराज अधिकारी ,स्थाई समिति सदरय किरण गुरुङ , पार्टीका स्थायी कमिटी सदस्य थममाया थापा, पोलिट्व्युरो सदस्य गण्डकी सहइन्चार्ज जगतबहादुर विश्वकर्मा , लीलाबहादुर थापा, टुकराज सिग्देल, एमाले गण्डकी अध्यक्ष नवराज शर्मा, लगायतले तल्लो तहसम्म पुगेर पार्टी सुदृढीकरण अभियान सफल पार्नुपर्नेमा जोड दिए । कार्यक्रम एमाले गण्डकी प्रदेश इन्चार्ज एवं पार्टी सचिव पद्मा अर्यालको अध्यक्षतामा भएको हो ।
२ महिनासम्म चल्ने अभियानमा सम्पूर्ण केन्द्रीय सदस्यहरुलाई विभिन्न ११ कार्यादेशसहित पालिकाहरुमा खटाइएको छ । उनीहरुले सदस्यता नवीकरण, प्रशिक्षण, जनप्रतिनिधि र पार्टीको सम्बन्ध सुधार, पार्टीबारे राय सुझाव संकलनजस्ता काम गर्ने जनाइएको छ । गण्डकीमा पनि केन्द्रीय सदस्यहरुलाई विभिन्न पालिकामा खटाइएको छ ।