फेवाखबर संवाददाता
धादिङ । कालुपाण्डे मार्ग अन्तर्गत धादिङको नीलकण्ठ नगरपालिका -८ ससाह नजिकै बस र इभी माइक्रोबस ठोक्किंदा ८ जना घाइते भएका छन् ।
धादिङबाट काठमाडौंका लागि छुटेको ना ७ ख २१९८ नम्बरको बस र काठमाडौंबाट धादिङतर्फ जाँदै गरेको बागमती प्रदेश-००१ ज ०४२९ नम्बरको इभी माइक्रोबस एकआपसमा ठोक्किएर दुर्घटना भएको धादिङका प्रहरी प्रवक्ता डिएसपी मकेन्द्रकुमार मिश्रले जानकारी दिनुभयाे।
दुर्घटनामा माइक्रोबसमा सवार १५ जनामध्ये ८ जना यात्रु घाइते भएका हुन् । घाइते माइक्रोबसका १ जना यात्रुलाई थप उपचारका लागि काठमाडौं पठाइएको छ भने अन्य घाइतेको जिल्ला अस्पताल धादिङमा उपचार भइरहेको मिश्रले बताउनुभयाे ।
