पोखरा ।पोखरा संगीत समूहले पदस्थापना तथा २०८० सालको भित्तेपात्रो लोकर्पण गरेका छन् । हालसालै संगठित भएको संगीत समूहले लोक दोहोरी गायक प्रजापति पराजुलीको प्रमुख आतिथ्यतामा भित्तेपात्रो लोकर्पण गरेका हुन् ।
पराजुलीले पोखरा संगीत समूह सधै एकवद्ध भएर अगाडि बढ्नको लागि सुझाव दिए । उनले संगीत समूहबाटै पोखरामा सञ्चालित अधिकांश दोहोरीमा धानिएको बताए । लोक दोहोरी गीत प्रतिष्ठान नेपालका पूर्व अध्यक्ष पुरुषोत्तम न्यौपानेले संगठित संगीत समूहलाई शुभकामना दिए। उनले संगठन विस्तारसँगै राम्रा राम्रा काम गर्नको लागि पनि सुझाव दिए ।
सो अवसरमा पोखरा संगीत समूहलाई सहयोग गर्ने विभिन्न संघसंस्था, व्यक्ति, नवनियुक्त सल्लाहकारहरुलाई पनि सम्मान गरिएको थियो । संगीत समूहका अध्यक्ष होम गुरुङले दोहोरीसाँझ, मेला महोत्सवमा उचित काम गर्ने अवसर दिनुपर्ने बताए । संगीत समूह नभइ कुनै पनि मेला महोत्सव, दोहोरी नचल्ने हुँदा सुहाउँदो पारिश्रमिक दिन उनले आग्रह गरे ।